Joqarı bilimlendiriw tarawındaǵı global tallaw agentligi “UI Green Metric World University Rankings” 2025-jıl ushın Turaqlı rawajlanıw maqsetlerine erisiw boyınsha dúnyadaǵı eń jaqsı universitetler reytingin járiyaladı.

Ózbekstan mámleketlik dene tárbiya hám sport universiteti Nókis filialı qorshaǵan ortalıqtı qorǵaw boyınsha alıp barılıp atırǵan reformalar nátiyjesinde nátiyjeli jetiskenliklerge erispekte. Atap aytqanda, usı jıldıń dekabr ayında usı reyting shólkemi járiyalaǵan reytingte filial Italiya, Ispaniya, Túrkiya, Sloveniya hám dúnyanıń basqa da jetekshi mámleketleriniń universitetleri qatarında dúnyanıń jetekshi joqarı bilimlendiriw mákemeleriniń dizimine kirgizildi. Yaǵnıy, filial dúnya reytinginde 1279-orındı, Aziya regionı boyınsha TOP-1000 diziminde 773-orındı hám Ózbekstan joqarı oqıw orınları arasında 60-orındı ieledi.

Filialdıń usı abıraylı reytinglerdegi joqarı orınlardı ielewi xalıqaralıq maydandaǵı imidjin arttırıwda úlken áhmietke iye.

Filial Baspasóz xızmeti.