Búgin filial studentleriniń qánigeligi hám tájriybesin arttırıw maqsetinde “Koordinaciyalıq hám ciklıq sport túrleri teoriyası hám metodikası” kafedrası baslaması menen Tashkent qalasındaǵı Respublika Olimpiya hám paralmpiya sport túrlerine tayarlaw orayı hám Ózbekstan Aquatics federaciyası Qaraqalpaqstan Respublikası bólimi menen birgelikte oqıw-seminar ótkerildi.

Oqıw-seminarda kúnniń birinshi yarımında qatnasıwshılarǵa  Tashkent qalasındaǵı Respublika Olimpiya hám paralmpiya sport túrlerine tayarlaw orayınıń sporttıń júziw túri boyınsha tájriybeli treneri Ravshan Kárimov teoriyalıq bilimlerin berdi hám kúnniń ekinshi yarımında Respublikalıq suw sport túrleri boyınsha qánigelestirilgen sport mektedi ámeliy shınıǵıwların alıp bardı.

Joqarı shólkemleskenlik penen ótkerilgen oqıw-seminarda studentler tájriybeli trenerden ózleriniń teoriyalıq hám ámeliy bilimlerin jetilistirdi.

Filial Baspasóz xızmeti.