Professor-oqıtıwshılar, xızmetkerler, student-jaslardıń huqıqıy mádeniyatın arttırıw hám olar arasında náshebentlik zatlarǵa qarsı immunitetti qáliplestiriw maqsetinde Ózbekstan mámleketlik dene tárbiyası hám sport universiteti Nókis filialında “Biz jınayatshılıqqa qarsımız” atamasında taraw qánigeleriniń qatnasında ushırasıw bolıp ótti.

Ilajda Qaraqalpaqstan Respublikası Ishki isler ministrligi, Respublikalıq psixonevrologgiyalıq dispanseri hám Qaraqalpaqstan Respublikası AIJSqa qarsı gúresiw orayınan kelgen taraw qánigeleri qatnasıwshılarǵa júz beriwi múmkin bolǵan huqıqbuzarlıqlar hám jınayatlardıń aldın alıw hám náshebentlik zatlardıń tarqalıwına qarsı gúresiw baǵdarında islenip atırǵan is-ilajlar hám bunday jaman jolǵa kirip qalǵan shaxslardıń ayanıshlı táǵdirleri haqqında túsinikler berip ótti. Sonday-aq, hár bir qatnasıwshını bunday jaman jollardan awlaq bolıwǵa shaqırdı.

Joqarı dárejede ótkerilgen ilaj barısında qatnasıwshılar ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.