Ózbekstan mámleketlik dene tárbiyası hám sport universiteti Nókis filialı Málimleme resurs orayın baslıǵı K.Tóreshova shólkemlestiriwinde «Jaslar tárbiyasında kitaptıń tutqan ornı» atamasında ádebiy keshe bolıp ótti.

Ádebiy keshede filial professor-oqıtıwshıları hám Qaraqalpaqstan Respublikası Málimleme-kitapxana orayı qánigesi studentlerge insannıń hár tárepleme jetik shaxs bolıp jetilisiwinde kitaptıń tutatuǵın ornı, málimleme resurs oraylarında kitap oqıwshıları ushın jaratılǵan imkaniyatlar, kitap fondında saqlanıp atırǵan kitaplar, gazeta-jurnallar, olardan paydalanıw tártibi hám saqlaw usılları haqqında túsinikler berip ótti.

Ilajǵa qatnasıwshı studentler bul baǵdarda qızıqtırǵan sorawlarına juwaplar aldı hám ózleriniń pikir-usınısların bildirdi.

Filial Baspasóz xızmeti.