Ózbekstan mámleketlik dene tárbiyası hám sport universiteti Nókis filialı «Sport iskerligi» (iskerlik túrleri boyınsha) kúndizgi tálim baǵdarınıń 3-kurs studentleri oqıw rejesine tiykarlanıp usı jıldıń 26-yanvar sánesinen 7-mart sánesine shekem Nókis qalasında jaylasqan ulıwma bilim beriw mekteplerine pedagogikalıq ámeliyatına jiberildi.

Olardıń ámeliyat dáwirin qadaǵalaw, úyrenip barıw, tiyisli járdemlerdi kórsetiw, ishki miynet tártip-qaǵıydalarına boysınıwın qadaǵalaw, ámeliyatshı studentlerdi baǵdarlama sheńberinde kafedralardıń tiyisli normativ-huqıqıy hújjetler menen tanıstırıw, hújjetler menen islesiwdi úyretiw, bul boyınsha tiyisli tártipte ámeliy, metodikalıq járdemler kórsetiw hám kerekli kásiplik kónlikpelerin qáliplestiriw boyınsha kafedralardan professor-oqıtıwshılar biriktirilgen.

Bul baǵdarda “Koordinaciyalıq hám ciklik sport túrleri teoriyası hám metodikası” kafedrasınan biriktirilgen professor-oqıtıwshıları pedagogikalıq ámeliyatın ótep atırǵan ámeliyatshı studentlerdiń ámeliyat barısı menen tanısıp, olar menen tıǵız baylanısta jumıs alıp barmaqta.

Filial Baspasóz xızmeti.