Ózbekstan Respublikası Prezidentiniń 2022-jıl 9-avgust kúni «Respublikada qan menen islesiw xızmeti mákemeleriniń jumısın bunnan bılay da jetilistiriw hám xalıq arasında biyǵárez donorlıq háreketin rawajlandırıw ilajları haqqında»ǵı PQ-348-sanlı qararı qabıl etilgen edi.

Usı qarar tiykarında búgin Hayal-qızlar máseleleri boyınsha direktor másláhátshisi Kalilaeva Ulbosin basshılıǵında filialda bilim alıp atırǵan student qızlar qatnasında “Medicinadaǵı reformalar – insan qádiri ushın” atamasında dógerek sáwbeti ótkerildi.

Ilajda filial miyirbiykesi Nursılıw Ramanova, professor-oqıtıwshıları Roza Reymbaeva, Aynura Patullaevalar student qızlarǵa xalıq arasında biyǵárez donorlıq mádeniyatın qáliplestiriw, donorlıq háreketin keń jámiyetshilik qatnasıwında rawajlandırıw, qan donorlarına sapalı xızmet kórsetiw hám olar ushın qolaylı sharayatlar jaratıw baǵdarında elimizde alıp barılıp atırǵan is-ilajlar hám biyǵárez donorlardan alınǵan qanlardıń kimlerge hám qanday jaǵdaylarda jumsalatuǵınlıǵı haqqında túsinikler berip ótti.

Filial Baspasóz xızmeti.