Filial studentleri professor-oqıtıwshılardan jaqsı bilim alǵanı hám jaqsı jetiskenliklerge eriskenligi ushın joqarı kurs waqtınan baslap respublikamızdaǵı sport mekteplerine turaqlı jumıs orınlarına jaylaspaqta.

Bunıń ayqın mısalı retinde Ózbekstan chempionı, Paxlavan Maxmud atındaǵı mámleketlik stpindiyası iyesi, «Velosport» qánigeligi 4-studenti Dúrdana Akmanovanı atap ótsek boladı. Ol házirgi kúnde student bolıw menen birgelite Nókis rayonı sport mektebinde sporttıń velosport túrinen sportqa mehir qoyǵan jaslarǵa trener-oqıtıwshı bolıp jumıs islep kelmekte. Dúrdana ustazlarınan alǵan bilimlerin ámeliyatta durıs qollanbaqta. Yaǵnıy, atap aytatuǵın bolsaq rayonnıń sport mektebinde 2026-jılı bolıp ótetuǵın “Prezident Olimpiadası” hám “Jańa Ózbekstan Olimpiada shıńları” sport jarıslarına tayarlıq kóriw maqsetinde sporttıń velosport túrinen filialdıń «Velosport» qánigeliginiń 4-kurs studenti, Ózbekstan chempionı Gúldana Baxbergenova menen birgelikte ózi islep atırǵan sport mektebinde oqıw-shınıǵıwların ótti.

Joqarı dárejede shólkemlestirilgen oqıw-shınıǵıw barısında sportshılarǵa jarısqa kalay tayarlanıw kerek, jarıs aldı tayarlıqları hám jarıs waqtında ózin qalay tutıw kerekligi haqqında túsinikler berdi.

Filial Baspasóz xızmeti.