Búgin Ózbekstan mámleketlik dene tárbiyası hám sport universiteti Nókis filialı Ózbekstan Jeńil atletika federaciyası Qaraqalpaqstan bólimi menen birgelikte filial professor-oqıtıwshıları hám studentleri ushın ilimiy-ámeliy seminar  shólkemlestirdi.

Seminardı filial direktorı, professor Bayrambay Erimbetov kiris sóz benen ashıp berdi hám ilimiy-ámeliy seminar qatnasıwshıların kelgen miymanlar menen tanıstırdı.

Soń Ózbekstan Jeńil atletika federaciyası baslıǵınıń orınbasarı, pedagogika ilimleri doktorı, professor Twxtaboyev Nizomjon Tursunaliyevich «Prezident olimpiadası hám xalıqaralıq sport jarısları», olimpiya hám paralmpiya oyınları, Jáhán chempionatı hám kubogi, Ózbekstan chempionatı hám kubogi jarıslarında sportshılardıń qatnasıwı boyınsha kórsetpe hám usınısların berdi. Bunnan soń Rossiya Federaciyasınan kelgen Rossiyada xızmet kórsetken trener Kolodko Nikolay Aleksandrovich jeńil atletikanıń ılaqtırıw túrlerin rawajlandırıw boyınsha zamanagóy metodikaları haqqında sáwbetlesti, al, Rossiyada xızmet kórsetken trener, Xalıqaralıq dárejedegi sport sheberi Dementev Sergey Borisovich «Jeńil atletikanıń qısqa aralıqqa juǵırıw túrlerin rawajlandırıwdıń zamanagóy usılları» atamasında bayanat jasadı.

Ilimiy-ámeliy seminar óziniń áhmiyetliligi mene qatnasıwshılardı qızıǵıwshılıq oyatdı.

Filial Baspasóz xızmeti.