Ruwxıy-aǵartıwshılıq jumıslardıń tásirsheńligin arttırıw, ruwxıylıq tarawındaǵı ishki hám sırtqı qáwip-qáterlerge qarsı nátiyjeli gúresiw, jámiyette ideologiyalıq immunitetti bekkemlew, hayal-qızlardıń unamsız ideyalar tásirine túsip qalıwınıń aldın alıw maqsetinde Ózbekstan mámleketlik dene tárbiyası hám sport universiteti Nókis filialında “Jawızlıqqa qarsı aǵartıwshılıq” atamasında ushırasıw ótkerildi.

Ilajdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov kiris sóz benen ashıp berdi hám miymanlardı qatnasıwshılarǵa tanıstırıp ótti.

Soń Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarması bas qánigesi X.Nezametov hám hayal-qızlar máseleleri boyınsha jetekshi qánigesi X.Ibragimova hám hám filial profilaktika inspektorı, kapitan R.Ismayilovlar sózge shıqtı. Olar óz sózinde elimizde bárkamal áwladtı qáliplestiriw, jaslardı ruwxıy, ádep-ikramlılıq hám fizikalıq jaqtan salamat etip tárbiyalaw baǵdarında elimizde alıp barılıp atırǵan reformalar haqqında keń túrde túsinikler berdi.

Ushırasıwda filial studentleri bul baǵdarda ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.