Búgin Ózbekstan mámleketlik dene tárbiyası hám sport universiteti Nókis filialında «Jaslar hám trenerlerdi shólkemleskenlik jınayatshılıq, narkojınayatshılıq hám korrupciyanıń aldın alıw» atamasında úgit-násiyat ilajı ótkerildi.

Ilajdı filial direktorı, professor B.Erimbetov kiris sóz benen ashıp berdi hám basqarıp bardı.

Soń Qaraqalpaqstan Respublikası Sport ministri E.Qutıbaev, Qaraqalpaqstan Respublikası Ádillik ministrligi huqıqıy málimleme sektor bas másláhátshisi M.Xojaxmetova hám Qaraqalpaqstan Respublikası Prokurorı aǵa járdemshisi A.Djumamuratov elimizde insan qádiri principi tiykarında sportshılarǵa, jaslarǵa jaratılıp atırǵan imkaniyatlarǵa toqtap ótti. Soń shólkemlesken jınayatshılıq, narkojınayatshılıq hám korrupciyanıń aldın alıw barıw baǵdarında alıp barılıp atırǵan is-ilajlar. Hár qanday shólkemlesken jınayatshılıq, narkojınayatshılıq hám korrupciyaǵa sherik bolǵan shaxslarǵa nızamda belgilengen tártipte jaza bar ekenligi boyınsha maǵlıwmatlar berdi. Sonday-aq, ilaj barısında hár bir qatnasıwshıǵa bunday huqıqbuzarlıqlardan awlaq bolıwǵa shaqırdı.

Ilaj sońında qatnasıwshılar taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.