Ózbekstan mámleketlik dene tárbiyası hám sport universiteti Nókis filialı professor-oqıtıwshıları respublikamızdaǵı sport mekteplerindegi sportshılardıń jumısların jetilistiriw, olardıń arasınan kúshli sportshılardı tańlap alıw jumısların nátiyjeli shólkemlestiriw hám sport jarıslarında jeńiske erisiw imkaniyatların asırıw maqsetinde orınlarda seminar-treningler shólkemlestirilmekte.

“Koordinaciyalıq hám ciklik sport túrleri teoriyası hám metodikası” kafedrası docenti T.Djumaniyazova hám p.i.b.f.d (PhD), docent D.Astankulova Nókis qalasındaǵı «Gimnastika sport túrlerine qánigelestirilgen sport mektebi» trenerlerine «Kórkem gimnastikashılardıń arnawlı tayarlıǵın hám buyımlar menen orınlanatuǵın quramalı shınıǵıwlar texnikasın jetilistiriw» atamasında seminar ótkerdi.

Seminarda filial professor-oqıtıwshıları arnawlı fizikalıq shınıǵıwlardıń orınlanıw texnika-taktikası haqqında trenerlerge maǵlıwmatlar berip ótti.

Filial Baspasóz xızmeti.