Usı jıldıń 1-fevral sánesinen 1-mart sánesine shekem elimizde «Jaslar arasında náshebentlik hám psixotrop ónimleriniń tarqalıwına qarsı gúresiw aylıǵı» dep járiyalanǵan edi.

Aylıq sheńberinde Ózbekstan mámleketlik dene tárbiyası hám sport universiteti Nókis filialında «Biz baxıtlı turmıstı tańlaymız, náshebentlikti emes!» atamasında taraw qánigeleriniń qatnasında ushırasıw bolıp ótti.

Ushırasıwda Qaraqalpaqstan Respublikası IIM Kiberqáwipsizlik basqarması qánigesi kapitan Sh.Uzaqbergenov hám operativ qıdırıw xızmeti jıeayat qıdırıw basqarması aǵa operativ wákili mayor A.Shımbergenov, S.Genjebaev hám filial profilaktika inspektorı R.Ismayilovlar sózge shıqtı.

Olar dáslep Ózbekstan Respublikası Prezidentiniń 2025-jıl 3-noyabr kúni “Xalıqtıń salamatlıǵın hám millet genofondın náshebentlik hám narkojınayachılıqtan nátiyjeli qorǵaw boyınsha kompleksli ilajlar haqqında”ǵı PP-207-sanlı Pármanınıń mazmun mánisin, hám qıylı jalǵan maǵlıwmatlarga isenip kiber jınayattıń qurbanı bolıp atırǵanlar boyınsha túsinikler berdi.

Sonday-aq, hár bir qatnasıwshıǵı náshebentlik zatlardan hám socialıq tarmaqlardan kelip atırǵan fayllardı ashpaw kerekligi haqqında maǵlıwmat berip ótti.

Filial Baspasóz xızmeti.