Ózbekstan mámleketlik dene tárbiyası hám sport universiteti Nókis filialında bilim alıp atırǵan pitkeriwshi kurs studentleriniń bántligin támiyinlew maqsetinde taraw qánigeleriniń qatnasında «Keleshekke qádem búginnen baslanadı» atamasında ushırasıw boldı.

Ilajdı filial direktorınıń Oqıw isleri boyınsha orınbasarı B.Utemuratov kiris sóz ashıp berdi hám kelgen miymanlardı ilaj qatnasıwshıları menen tanıstırıp ótti.

Soń “Ózmilliybank” AJ Qaraqalpaqstan Respublikası Bas basqarması “Kelajakka qadam” orayı menejeri A.Baltabaev, “Biznesni rivojlantirish banki” ATB Qoraqalpog’iston Respublikasi hududiy boshqarmasi «Biznesti rawajlandırıw banki» AKB Qaraqalpaqstan Respublikası aymaqlıq basqarmasınan F.Asemovlar studentlerge bankler tárepinen jaslardıń óz biznes joybarların ámelge asırıwları ushın ajıratılıp atırǵan kreditler, olardıń payız stavkaları hám onıń beriliw tártipleri haqqında túsinikler berdi. Bunnan soń isbilermen A.Allamuratov biznesti baslaw usılların aytıp berdi.

Ilaj barısında qatnasıwshılar ózlerin qızıqtırǵan sorawlarına juwaplar aldı.

Filial Baspasóz xızmeti.