Ózbekstan mámleketlik dene tárbiyası hám sport universiteti Nókis filialında tálim alıp atırǵan pitkeriwshi kurs studentleriniń turaqlı jumıs orınları menen bántligin támiyinlew yamasa ózin-ózi bánt etiwlerine járdemlesiw maqsetinde bank qánigeleriniń qatnasıwında ushırasıw bolıp ótti.

Ilajdı filial direktorı, professor Bayrambay Erimbetov kiris sóz benen ashtı hám basqarıp bardı.

Soń Mikrokreditbankinen kelgen qánigeler fizikalıq hám yuridikalıq shaxslarǵa beriletuǵın kreditler, sonıń ishinde student-jaslardıń ózin-ózi bánt etiw hám tálim kreditlerin alıw tártibi, onıń jeńilletilgen dáwiri, jıllıq payız stavkaları, biznes rejelerin dúziw hám onı ámelge asırıw mexanizimleri haqqında túsinikler berdi.

Studentler bul baǵdarda ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.