Ózbekstan mámleketlik dene tárbiyası hám sport universiteti Nókis filialı professor-oqıtıwshıları Nókis qalalıq 2-sanlı sport mektebi trenerlerine seminar-trening ótti.

Onda “Koordinaciyalıq hám cikllik sport túrleri teoriyası hám metodikası” kafedrası professor-oqıtıwshıları Azamat Primbetov, Rustam Xaydarov hám Nurmuhammed Nurmedov sport mektepleri trenerlerine sportshılardıń jas ereksheliklerine qarap maksimal júrek soǵıw kórsetkishlerin esaplaw, hár bir shınıǵıwlardı analiz etiw, maǵlıwmatlardı saqlap barıw arqalı sportshılardıń ósiw dinamikasın baqlaw hám házirgi zamanda sport tarawında ilim menen ámeliyattı baylanıstırıw áhmiyetli faktor ekenligin aytıp ótti. Sonday-aq, olar sportshılardıń jarıslarda joqarı nátiyjelerge erisiwinde tek fizikalıq tayarlıqlar menen sheklenbey, onı analizlep, monitoring etip, sanlı texnologiyalardan paydalanǵan halda sistemalı baqlaw arqalı shınıǵıwlar procesin basqarıwdıń zárúrligin atap ótti.

Seminar-trening barısında sport mektebi trenerleri hám professor-oqıtıwshılar bul baǵdarda óz-ara pikirlesit.

Filial Baspasóz xızmeti.