Ramazan hayıtı hám Nawrız múnásibeti menen 5 kúnlik jumıs háptesinde islewshiler 4 kún, 6 kúnlik jumıs háptesinde islewshiler bolsa 3 kún dem aladı.

Túrkiy mámleketler shólkemi (TMSh)ne aǵza mámleketler musılman diniy uyımları basshılarınıń keńesi janındaǵı Pátwa komiteti Samarqand qalasında ótkerilgen májiliste 2026-jıl (1447-hijriy) ushın Ramazan ayınıń baslanıwı hám Ramazan hayıtı sánelerin belgilegen. Komitettiń qararına bola, 2026-jılı Ramazan ayınıń birinshi kúni 19-fevral, Ramazan hayıtı bolsa 20-mart – juma kúnine tuwra keledi. Sol sebepli mart ayında bayramlar sebepli ayırım xızmetkerler ushın izbe-iz dem alıs kúnleri júzege keledi.

️ 5 kúnlik

 jumıs háptesinde islewshiler ushın dem alıs kúnleri:

▪️20-mart – juma, Ramazan hayıtı

▪️21-mart – shembi, Nawrız bayramı

▪️22-mart – ekshembi

▪️23-mart – dúyshembi (kóshirilgen dem alıs kúni)

5 kúnlik jumıs háptesinde islewshiler ushın 24-mart – siyshembi jumıs kúni esaplanadı.

️ 6 kúnlik jumıs háptesinde islewshiler ushın dem alıs kúnleri:

▪️20-mart – juma, Ramazan hayıtı

▪️21-mart – shembi, Nawrız bayramı

▪️22-mart – ekshembi

6 kúnlik jumıs háptesinde islewshiler ushın 23-mart – dúyshembi jumıs kúni esaplanadı.

Miynet kodeksine bola, islenbeytuǵın bayram kúnleri jıllıq miynet dem alısı dawamlılıǵın esaplawda inabatqa alınbaydı.

👉 Sol sebepli mart ayındaǵı 8-mart, 20-mart hám 21-mart kúnleri dem alıs esabında esaplanbaydı, qalǵan barlıq kúnler bolsa esapqa alınadı.

Sonday-aq, 19-mart – piyshembi kúni barlıq xızmetkerler ushın qısqartılǵan jumıs kúni esaplanadı.

👉 Miynet kodeksiniń 187-statyasına bola, islenbeytuǵın bayram kúnleri aldında jumıs waqtı keminde 1 saatqa qısqartıladı.

👉 Bunnan tısqarı, Miynet kodeksiniń 208-statyasına muwapıq, eger bayram kúni dem alıs kúnine tuwra kelse, onda dem alıs kúni keyingi jumıs kúnine kóshiriledi. Sol sebepli 2026-jılı Nawrız bayramı shembi kúnine tuwra kelgeni ushın 5 kúnlik jumıs háptesinde islewshiler ushın dem alıs kúni 23-mart – dúyshembi kúnine kóshirildi.

Qaraqalpaqstan xabar agentligi