Student-jaslardıń sabaqtan bos waqıtların kewilli hám mazmunlı ótkeriw, olardı kitap oqıwǵa qızıqtırıw hám olar arasında kitap oqıw mádeniyatın qáliplestiriw maqsetinde Ózbekstan mámleketlik dene tárbiyası hám sport universiteti Nókis filialı Málimleme-resurs orayında kitapqumar studentler ushın dógerek sáwbeti bolıp ótti.

Onda filial professor-oqıtıwshısı Aminov Raxmatjon studentlerge belgili jazıwshı O.Hoshimovtıń ómiri hám dóretiwshiligi, sonıń menen birge onıń qálemine tiyisli bolǵan “Túste ótken ómirler” romanı boyınsha tolıq maǵlıwmat berdi hám shıǵarmanıń ideyalıq, kórkemlik ózgeshelikleri, ondaǵı waqıyalar, obrazlar xarakteri hám jaslar ushın ibiratlı tárepleri haqqında aytıp ótti.

Ushırasıwda Málimleme resurs orayı baslıǵı K.Tóreshova hár bir qatnasıwshını kitap penen dos bolıwǵa, bos waqıtlarında kóp kitap oqıw shaqırdı hám studentler “Túste ótken ómirler” roman boyınsha ózleriniń pikir-usınısların bildirdi.

Qudrat Auezbaev.