Ózbekstan Respublikası Joqarı bilimlendiriw, ilim hám innovaciyalar ministrliginiń «2026-jıl 16-yanvar kúngi  ótkeriletuǵın xalıqaralıq hám respublika kólemdegi ilimiy hám ilimiy texnikalıq is-ilajlar haqqında»ǵı bayanlamasınıń orınlanıwın támiyinlew maqsetinde Ózbekstan mámleketlik dene tárbiyası hám sport universiteti Nókis filialında «Sport tarawında ilimiy izertlewlerdi qollanıwda zamanagóy innovacion texnologiyalardan paydalanıwdıń mashqala hám sheshimleri» atamasında xalıqaralıq ilimiy-ámeliy konferenciyası bolıp ótpekte.

Konferenciyaǵa elimizdegi joqarı oqıw orınlarınan tısqarı, qońısılas respublikalardıń hám shet ellerdiń abroylı joqarı oqıw orınlarınıń ilimpazları, jas izleniwshileri, magistrantlar hám studentleri qatnastı.

Konferenciyanı Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov kiris sóz benen ashıp berdi hám sońǵı jılları pútkil dúnya júzinde bolǵanı sıyaqlı elimizde Prezidentimizdiń basshılıǵında dene tárbiyası hám sport tarawın rawajlandırıwǵa ayrıqsha itibar qaratılıp atırǵanın hám usınday qollap-quwatlawlardıń nátiyjesinde mámleketimiz sportshıları tárepinen xalıqaralıq sport arenalarda úlken tabıslardı qolǵa kirgizilip atırǵanın aytıp ótti hám tarawdı ele de rawajlandırıw ushın ilim menen tıǵız birge islesiw zárúrligine toqtap ótti hám konferenciyanıń aldaǵı jumıslarına tabıslar tiledi.

Bunnan soń konferenciya óz jumısın basladı. Elimizdegi joqarı oqıw orınlarınan tısqarı, qońısılas respublikalardıń hám shet ellerdiń abroylı joqarı oqıw orınlarınıń ilimpazları, jas izleniwshileri, magistrantlar hám studentleri hám basqada bir qatar joqarı oqıw orınları qatnasıwshıları búgingi kúnniń áhmiyetli máseleleri boyınsha bayanatlar jasadı. Bul boyınsha ilimpazlar hám qánigeler ózleriniń pikirlerin bildirdi.

Konferenciya sońında bayanatshı hám qatnasıwshılar tárepinen bildirilgen pikir hám usınıslardı inabatqa alǵan halda sport tarawında ilimiy izertlewlerdi qollanıwda zamanagóy innovacion texnologiyalardan paydalanıwdıń mashqala hám sheshimleri boyınsha is-ilájları belgilep alındı.

Belsene qatnasqan ilimpazları, jas izleniwshiler, student-jaslar filial administraciyası tárepinen sertifikat hám estelik sawǵaları menen sıylıqlandı.

Filial Baspasóz xızmeti.