Ózbekstan mámleketlik dene tárbiya hám sport universiteti rektorı xızmet saparı menen universitettiń Nókis filialına keldi.

Rektor xızmet saparın dáslep filial studentleriniń sabaq barısı menen tanısıwdan basladı. Tanısıw barısında hár bir awditoriyaǵa kirip studentler menen ushırasıp, olar menen jaqınnan sáwbetlesti hám elimizde joqarı bilimlendiriw sistemasındaǵı alǵa ilgerlewler, ásirese, sportshılarǵa jaratılıp atırǵan imkaniyatlarǵa ayrıqsha toqtap ótti.

Bunnan keyin universitet rektorı filial direktorı menen birgelikte mámleketlik sheriklik tiykarında qurılısı baslanǵan «Studentler úyi» niń qurılıs jumıslarınıń barısı hám rekonstrukciya jumısları islenip atırǵan «Turan» stadionınıń qurılıs jumısların barıp kórdi.

Sonıń menen birge qalamızdaǵı 1-sanlı sport mektebi (manej) hám Respublikalıq Gimnastika sport túrlerine tayarlaw orayına  bardı hám ol jerde sportshılar ushın jaratılǵan shariyatlar menen tanıstı.

 Filial Baspasóz xızmeti.