Ózbekstan mámleketlik dene tárbiyası hám sport universiteti rektorı Rashid Matkarimov xızmet saparı menen universitettiń Nókis filialında bolıp turıptı.

Rektor kúnniń ekinshi yarımında Ózbekstan mámleketlik dene tárbiyası hám sport universiteti hám onıń Nókis filialı menen birgelikte ZOOM platforması arqalı keńeytirilgen Keńes májilisin ótkerdi.

Májilisti Ózbekstan mámleketlik dene tárbiyası hám sport universiteti rektorı R.Matkarimov ashıp berdi hám basqarıp bardı.

Májilis kún tártibinde Ózbekstan Respublikasınıń “Dene tárbiyası hám sport haqqında”ǵı Nızamı, Ózbekstan Respublikası Prezidentiniń “Joqarı bilimlendiriw, ilim hám innovaciyalar sistemasın jetilistiriwdiń qosımsha ilajları haqqında”ǵı PF-58-sanlı Pármanınıń mazmun-mánisi haqqında keń túrde túsinikler berildi hám universitettiń Nókis filialında alıp barılıp atırǵan jumıslar keńnen dodalandı. Yaǵnıy, atap aytqanda ilimiy iskerlikti rawajlandırıw, oqıw sistemasın elede jetilistiriw, ruwxıy-aǵartıwshılıq ilajların joqarı dárejede ótkeriw, filialdıń finanslıq jaǵdayın jaqsılaw hám xalıqaralıq birge islesiwdi elede rawajlandırıw máselelerine toqtap ótti.

Bul boyınsha majilis sońında tiyisli qarar qabıl etildi.

Filial Baspasóz xızmeti.