Ózbekstan mámleketlik dene tárbiyası hám sport universiteti Nókis filialında 2026-jıldıń II sheregi ushın Qaraqalpaqstan Respublikası Ministrler Keńesi  tárepinen tastıyıqlanǵan media reje tiykarında búgin Ózbekstan mámleketlik dene tárbiyası hám sport universiteti Nókis filialında ǵalaba xabar quralları wákilleri hám blogerler ushın brifing bolıp ótti.

Onda filial direktorı, professor Bayrambay Erimbetov ǵalaba xabar quralları wákilleri hám blogerlerge filialda oqıw barısınıń alıp barılıw jaǵdayı boyınsha maǵlıwmat berdi.

Brifingte atap ótilgenindey házirgi waqıtta Ózbekstan mámleketlik dene tárbiyası hám sport universiteti Nókis filialında kúndizgi hám sırtqı tálim baǵdarlarında jámi 30 qánigelikte 1 586 student bilim alıp kelmekte. Olardıń arasında 5 xalıqaralıq, 51 Ózbekstan sport sheberleri, 258 sport sheberligine talaban hám 366 sport razryadına iye studentler bar. Sonı ayrıqsha atap ótiw orınlı Parij-2024 jazǵı olimpiada oyınlarına qatnasqan Zaynab Dayıbekova hám Shaxzoda Ibragimovalar usı oqıw orının tabıslı pitkerip shıqqan.

Sonday-aq, Qaraqalpaqstan Respublikası Joqarǵı Keńesi Prezidiumınıń qararı menen 10 student sportta erisken jetiskenlikleri ushın “Úmit ushqını” kókirek belgisi menen sıylıqlanǵan. Ózbekstan Respublikası Joqarı bilimlendiriw, ilim hám innovaciyalar ministrliginiń 2025-2026-oqıw jılı ushın respublikadaǵı barlıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqındaǵı buyrıǵı tiykarında 5 student mámleketlik stipendiya iyesi bolǵan.

Bunnan tısqarı házirgi waqıtta filialda 88 professor-oqıtıwshı studentlerge tálim-tárbiya berip kelmekte. Olardan 3 ilim doktorı (DSc), 19 ilim kandidatı hám filosofiya doktorı (PhD)lar studentlerge tálim tárbiya berip kelmekte. Ulıwma filialdıń ilimiy potencialı 44,3 procentti quraytuǵınlıǵı atap ótildi.

Ilaj sońında ǵalaba xabar quralları wákilleri hám blogerler ózlerin qızıqtırǵan sorawlarına juwaplar aldı.

Filial Baspasóz xızmeti.