Jaslar arasında huqıqbuzarlıqlarǵa qarsı kóz-qarastı qáliplestiriw hám olardı Watansúyiwshilik ruwxında tárbiyalaw maqsetinde Ózbekstan mámleketlik dene tárbiyası hám sport universiteti Nókis filialında  «Mámleket keleshegi nızamǵa boysınatuǵın hám huqıqbuzarlıqlarǵa qarsı jaslar menen» principi tiykarında «Olardıń ómiri biz ushın ibirat» atamasında ushırasıw bolıp ótti.

Ilajda Qaraqalpaqstan Respublikası Ishki isler ministriniń másláhátshisi, polkovnik Orınbay Turdaqov, Veteranlar keńesiniń baslıǵı, podpolkovnik Farxat Sankibaev hám  blar filial studentleri menen ashıq sáwbetlesti. Onda miymanlar studentlerge ózleriniń ómir jolı, islegen xızmetleri, jumıs babında erisken jetiskenlikleri, hár bir kásiptiń rawajlanıwı, onıń ózine tán mashaqatları hám  maqtanıshlı tárepleri haqqında aytıp berdi.

Tarawda salmaqlı úlesi bar insanlardıń studentler menen ushırasıwı studentlerde úlken turmıslıq motivaciya beredi dep oylaymız.

Filial Baspasóz xızmeti.