Búgin Ózbekstan mámleketlik dene tárbiyası hám sport universiteti Nókis filialında «Basshı hám jaslar» ushırasıwı ótkerildi.

Onda Qaraqalpaqstan Respublikası sport ministri E.Qutıbaev, filial direktorı B.Erimbetov hám Nókis qalasındaģı sport mektepleri direktorları menen birgelikte búgingi kúnde Prezidentimizdiń tikkeley basshılıǵında elimizde ámelge asırılıp atırǵan jaslar siyasatı, olardıń hár tárepleme jetik, kámil insanlar bolıp jetilisiwi ushın alıp barılıp atırǵan reformalar, olarģa jaslardı turaqlı jumıs orınları menen támiyinlew baǵdarında islenip atırǵan is-ilajlarǵa toqtap ótti.

Bunnan soń studentlerdiń pikir, usınısların tıńladı hám mektep direktorlarına pitkeriwshi kurs studentlerin turaqlı jumıs orınları menen támiyinlew boyınsha tapsırmalar berildi.

Jasmina Baxitova