Ózbekstan mámleketlik dene tárbiyası hám sport universiteti Nókis filialında 2026-2027-oqıw jılı ushın sport iskerligi (iskerligi túrleri boyınsha) kásiplik (dóretiwshilik) imtixanları bolıp ótpekte.

Imtixanlardıń ashıq-aydınlıq principleri tiykarında ótiwin támiyinlew ushın belgilengen orınlarda ótkerilip atırǵan imtixan processleri Sport ministrligi bólim baslıǵı Farhod Turdiev tárepinen turaqlı túrde baqlap barılmaqta.

Abiturientlerdiń kásiplik (dóretiwshilik) imtixanların tapsırıwı ushın orınlarda tolıq sharayatlar jaratılǵan. Imtixan tapsırıwshılardıń balların bahalaw tolıq sanlastırılǵan. Yaǵnıy, imtixan tapsırıwshıǵa sol waqıttıń ózinde toplaǵan balları qol telefonına SMS xabar qılıp jiberiledi.

Toplaǵan ballarınan narazı bolǵan abiturientler bolsa shaǵım arza beriwi ushın filialda apellyaciya komissiyası da islep tur.

Filial Baspasóz xızmeti.