Búgin, 11-avgust kúni Berdaq atındaǵı Qaraqalpaq mámleketlik universitetinde Ózbekstan Respublikası Prezidentiniń «Bilimlendiriwdiń sapasın támiyinlew hám bilimlendiriw xızmetlerin kórsetiw sistemasın jetilistiriw boyınsha qosımsha ilajlar haqqında»ǵı Pármanına muwapıq Bilimlendiriwdiń sapasın támiyinlew milliy agentliginiń bas inspektorı Rahmatjon Ruzmetov qatnasında májilis bolıp ótti.

Ilajda agentliktiń bas inspektorı Párman tiykar usı jıldıń 27-iyul sánesinen baslap Bilimlendiriwdiń sapasın támiyinlew milliy agentligi tárepinen respublikalıq kólemde Ulıwma milliy jumıs beriwshiler sorawnaması ótkeriwden gózlengen tiykarǵı maqset haqqında túsinikler berdi. Yaǵnıy, sorawnamanı ótkeriwden tiykarǵı maqset pitkeriwshilerdiń bilimi, ámeliy kónlikpe hám kompetenciyaların tikkeley jumıs beriwshilerdiń pikiri tiykarında bahalaw hám olardıń tayarlıǵı zamanagóy miynet bazarı talaplarına qay dárejede sáykes keletuǵının anıqlaw ekenligin atap ótti.

Qaraqalpaqstan Respublikasında ótkerilgen sorawnama procesine biriktirilgen operatorlar jumıs beriwshiler menen telefon arqalı intervyu ótkerdi hám zárúr jaǵdaylarda kárxana hám shólkemlerge tikkeley barǵan halda jumıs beriwshiler menen sáwbetlesiwler shólkemlestirdi.

Filial Baspasóz xızmeti.