2026/2027-oqıw jılı ushın mámleketlik joqarı bilimlendiriw shólkemleriniń magistraturasına qabıllaw boyınsha my.edu.uz elektron sisteması arqalı onlayn dizimnen ótken talabanlardıń arzaları kórip shıǵıldı.

Kórip shıǵıw nátiyjesinde ayırım arzalar túrli sebeplerge bola, sonıń ishinde, tańlanǵan qánigelik pitkeriwshiniń bilimlendiriw baǵdarı boyınsha sáykes yamasa túrles emesligi, shet tilin biliw boyınsha sertifikat, sonday-aq, SAT sertifikatı tastıyıqlanbaǵan yamasa belgilengen dárejede bolmaǵan, soralǵan hújjet ornına basqa hújjet júklengen yamasa tolıq júklenbegen, shet tilindegi bilimlendiriw baǵdarlamasın juwmaqlaǵanı tastıyıqlanbaǵan, hújjetlerdiń sapasızlıǵı hám basqa da sebeplerge bola biykar etilgen.

Sonı esapqa alıp, arzası joqarıdaǵı sıyaqlı kemshilikler sebepli biykar etilgen talapkerlerge 2026-jıl 26-avgust kúni saat 14:00 ge shekem my.edu.uz elektron sisteması arqalı arzaların qayta redaktorlaw hám anıqlanǵan kemshiliklerdi saplastırıw imkaniyatı beriledi.

Itibar beriń: 26-avgust kúni saat 14:00 den keyin arzalardı redaktorlaw imkaniyatı berilmeydi. Anıqlanǵan kemshilikler óz waqtında saplastırılmaǵan arzalar kórip shıǵılmaydı.

Eskertiw!

Shet tilin biliw dárejesi boyınsha talap etilgen milliy yamasa xalıqaralıq sertifikatqa ie emesligi yamasa bar sertifikat talap dárejesine juwap bermegeni sebepli biykar etilgen arzalardı qayta redaktorlaw usınıs etilmeydi.

Bunday jaǵdayda qayta redaktorlanǵan arzalarda kórip shıǵılmaydı.

Filial Baspasóz xızmeti.