Húrmetli ustazlar, trenerler hám bárshe ilim pidayıları, qádirli student-jaslar hám miynetkesh xalqımız, Sizlerdi, sizler arqalı pútkil xalqımızdı “Bir Watan, bir xalıq bolıp, jańa ómir hám keleshek quramız!” súreni tiykarında jaqsı baslamalardı ózinde jámlegen Ózbekstan Respublikası Ǵárezsizliginiń 35 jıllıq bayramı menen bársheńizdi shın kewimnen qutlıqlayman!

Ǵárezsizlik – bul bizge milliy ózligimiz, milliy qádiriyatlarımız, úrp-ádetlerimiz hám salt-dástúrlerimiz benen maqtanatuǵınday sezimlerimizdi qaytarǵan bayram sıpatında joqarı qádirlenedi hám bul tariyx jılnamasında altın háripler menen jazıladı.

Usınday ullı sánede elimizge tınıshlıq, bársheńizge bekkem densawlıq, shańaraqlarıńızǵa amanlıq, dasturxanlarıńızǵa qut-bereket tileymen.

Elimizdiń Ǵárezsizlik bayramı qutlı múbárek bolsın áziz Watanlaslar!

Bayrambay Karlıbaevich Erimbetov,

Ózbekstan mámleketlik dene tárbiyası hám sport universiteti Nókis filialı direktorı