Ózbekstan mámleketlik dene tárbiyası hám sport universiteti Nókis filialı Jaslar awqamı baslanǵısh shólkeminiń baslaması menen student-jaslar arasında «Plastik ónimler putkilley qadaǵalanıwı kerek» atamasında «Munozara» debat intellektual oyını shólkemlestirildi.

 Debat oyının ótkeriwden tiykarǵı maqset — student-jaslardıń kitapqumarlıq mádeniyatın hám oratorlıq sheberligin arttırıw. Olardıń logikalıq hám sociallıq oylaw qábiletlerin rawajlandırıw, óz pikirlerin erkin hám dálillerge súyengen halda jetkerip beriw kónlikpelerin qáliplestiriw, Sonday-aq bos waqıtların mazmunlı ótkeriwine járdemlesiwden ibarat.

 Debat barısında qatnasıwshılar plastik ónimlerdi qollanıwdıń ekologiyaǵa tásiri, olardı putkilley qadaǵalawdıń múmkinshilikleri hám bul másele boyınsha jámiyet aldındaǵı juwapkershilik sıyaqlı máseleler boyınsha óz pikirlerin bildirip, óz poziciyaların dáliller menen qorǵadı.

 Bunday intellektual oyınlar studentlerdiń bilimlerin bekkemlew, pikir almasıw mádeniyatın arttırıw hám jámáát ishinde erkin pikirlew qábiletlerin rawajlandırıwda áhmiyetli áhmiyetke iye.

Filial Baspasóz xızmeti.