Student-jaslarda súwretlew hám ámeliy kórkem ónerge bolǵan qızıǵıwshılıqtı jáne de arttırıw maqsetinde Ózbekstan mámleketlik dene tárbiya hám sport universiteti Nókis filialında “Dóretiwshilik zawqı” joybarı sheńberinde “Dóretiwshilik zawqı – qálb hám kórkem óner ushırasıwı,” “Dóretiwshilik zawqı – student hám ustazlar qarım-qatnası” atamasında dóretiwshilik ushırasıw bolıp ótti.

Ilaj dawamında student-jaslar xudojniklerdıń dóretiwshilik jumısı menen jaqınnan tanısıp, olardıń kórkem ónerge bolǵan kózqarasları, dóretiwshilik izlenisleri hám tájiriybeleri haqqında qızıqlı maǵlıwmatlarǵa iye boldı.

Ushırasıw dawamında jaslar ózlerin qızıqtırǵan sorawlarına juwap aldı hám kórkem ónerdiń insan ruwxıy turmısındaǵı ornı haqqında pikir alıstı.

Ushırasıw sheńberinde reńli súwretler kórgizbesi shólkemlestirildi.

Bul dóretiwshilik ushırasıw student-jaslardıń estetikalıq talǵamın, dóretiwshilik oy-pikirin rawajlandırıw, olardı erkin dóretiwshilikke shaqırıw hám milliy kórkem ónerimizge bolǵan qızıǵıwshılıǵın arttırıwǵa xızmet etedi.

Filial Baspasóz xızmeti.