Ózbekstan mámleketlik dene tárbiya hám sport universiteti Nókis filialında Jaslar awqamı baslanǵısh shólkemi Keńesi quramındaǵı juwapker baǵdarlar boyınsha kasting ótkerildi.

Kastingte “Intellektuallıq joybarlar koordinatorı,” “Bes baslama joybarları koordinatorı,” “Áskeriy-watansúyiwshilik joybarları koordinatorı,” “Isbilermenlik hám innovaciyalıq joybarlar koordinatorı,” “Jaslar dápteri” hám “Student qızlar koordinatorı” lawazımlarına talabanlar qatnastı.

Kasting processiniń ádil, ashıq-aydın ótiwin támiyinlew maqsetinde filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı Xojametov Gulmurat bahalaw procesinde tikkeley qatnastı.

Talabanlar ózlerin tanıstırıp, tiyisli baǵdarlar boyınsha bilim hám potencialın, intakerligin jáne keleshektegi rejeleri menen ideyaların kórsetti. Qatnasıwshılardıń liderlik qábileti, jámáát penen islesiw kónlikpesi, sociallıq belsendiligi hám jaslar menen islesiwge bolǵan qızıǵıwshılıǵına ayrıqsha itibar qaratıldı.

Filial Baspasóz xızmeti.