Búgin 23-sentyabr kúni Ózbekstan mámleketlik dene tárbiyası hám sport universiteti Nókis filialında “Bir nál – bir keleshek” súreni sheńberinde 1-kurs student qızlarınıń qatnasıwında “Studentlik dáwirimdegi birinshi nálim” atamasında ilaj shólkemlestirildi.

Ilaj dawamında student-qızlar filial direktorı másláháshisi U.Kallilaeva menen birgelikte filial aymaǵına hár túrli sayamanlı hám miyweli terek nálleri otırǵızdı.

Nál egiw procesinde filial direktorınıń másláháshisi tárepinen student-qızlarǵa qorshaǵan ortalıqtı saqlaw, tábiyat baylıqlarınan aqılǵa uǵras paydalanıw, jasıl aymaqlardı keńeytiwdiń ekologiyalıq hám sociallıq áhmiyti haqqında túsinikler berildi.

Bul ilaj jaslardıń ekologiyalıq mádeniyatın, tábiyatqa bolǵan mehrin arttırıw hám abat hám jasıl ortalıq jaratıwǵa bolǵan juwapkershiligin kúsheytiwge xızmet etedi.

Filial Baspasóz xızmeti.