Ózbekstan mámleketlik dene tárbiya hám sport universiteti Nókis filialında student-jaslar arasında kiberjınayachılıqtıń aldın alıw, internet hám sociallıq tarmaqlardan qáwipsiz paydalanıw mádeniyatın arttırıw maqsetinde profilaktikalıq ushırasıw shólkemlestirildi.

Ushırasıw dawamında jaslar arasında kiberjınayachılıqtıń unamsız aqıbetleri, internet mákanında ushırasıwı múmkin bolǵan hár qıylı qáwip-qáterler, aldawshılıq jaǵdaylarınan qorǵanıw hám jeke maǵlıwmatlardı isenimli qorǵaw máseleleri haqqında túsinikler berildi.

Sonday-aq, qatnasıwshılarǵa belgisiz siltemelerdi ashpaw, biytanıs shaxslarǵa jeke maǵlıwmatlar hám bank karta rekvizitlerin bermew, sociallıq tarmaqlardaǵı gúmanlı xabar hám usınıslarǵa abaylılıq penen múnásibette bolıw boyınsha usınıslar berildi.

Ilaj juwmaǵında student-jaslardıń sorawlarına qánigeler tárepinen tolıq juwaplar berilip, kiberqáwipsizlik qaǵıydalarına ámel etiw hár bir internet paydalanıwshısınıń áhmietli wazıypası ekeni atap ótildi.

Filial Baspasóz xızmeti.