Ata-babalarımızdıń ómiri hám jumısın tereń úyreniw, olardıń ilimiy, aǵartıwshılıq hám sociallıq miyrasın jaslar arasında keńnen úgit-násiyatlaw, tariyxıy estelikti saqlaw jáne jaslardı ilimiy-izertlew jumısına tartıw maqsetinde “Repressiya qurbanlarınıń ómiri hám jumısına baǵıshlanǵan ilimiy maqalalar jáne jazba pikirler” tańlawı ótkeriledi.

Tańlawdıń tiykarģı maqseti:

🔹 repressiya qurbanlarınıń ómiri hám iskerligin ilimiy jaqtan úyreniw;

🔹 olardıń xalqımız tariyxı, ilimi, aǵartıwshılıǵı hám mádeniyatına qosqan úlesin sáwlelendiriw;

🔹 jaslardıń tariyxıy estelikke hám milliy qádiriyatlarga húrmetin arttırıw;

🔹 jas izertlewshiler hám dóretiwshilerdiń ilimiy-dóretiwshilik potencialın qollap-quwatlaw.

Tańlaw jónelisleri:

🔸 Ilimiy maqalalar – repressiya qurbanlarınıń ómiri, ilimiy hám dóretiwshilik jumısı, jámiyetlik turmıstaǵı ornı hám de tariyxıy miyrasına baǵıshlanǵan ilimiy-izertlew jumısları;

🔸 Jazba pikirler – repressiya qurbanlarınıń ómiri hám táǵdiri, olardıń mártligi, aǵartıwshılıq xızmeti hám de tariyxıy esteliktegi ornı haqqındaǵı óz betinshe pikir.

❗️Tańlawda qatnasıw tileginde bolǵan barlıq jaslardı belsene qatnasıwǵa shaqıramız!

Tańlaw múddeti: 02.10.2026

Qatnasıwshılar óz ilimiy jumısların tómendegi mánzillerge jiberiwi múmkin: @Koblan_Mnajatdinov, @Seydametovazizbek

Tańlawda qatnasıw shártleri, jumıslardı rásmiylestiriw talapları hám bahalaw kriteriyaları menen qosımsha maǵlıwmat arqalı tanısıwıńız múmkin.

Tariyxtı úyreniw – ata-babalar esteligin saqlaw!

Filial Baspasóz xızmeti.