Jas áwladtıń milliy tariyxımız, ullı ata-babalarımızdıń bay ilimiy-ruwxıy miyrası hám Watanımızdıń úsh mıń jıllıq mámlekeshilik hám rawajlanıw tariyxına bolǵan qızıǵıwshılıǵın arttırıw, tariyxıy oy-pikirin rawajlandırıw hám dóretiwshilik potencialın qollap-quwatlaw maqsetinde “Ullı ǵárezsizligimizdiń úsh mıń jıllıq tamırları” atamasında shıǵarmalar tańlawı járiyalanadı!

Tańlawdıń tiykarǵı maqseti:

•  Ózbekstan aymaǵındaǵı áyyemgi mámlekeshilik hám civilizaciya tariyxın keńnen úgit-násiyatlaw;
•  ullı ata-babalarımızdıń ilim hám mádeniyattıń rawajlanıwına qosqan úlesin sáwlelendiriw;
• oqıwshılarda tariyxıy yad, milliy maqtanish hám watansúyiwshilik sezimlerin bekkemlew;
• jaslardıń erkin pikirlew, dóretiwshilik hám analitikalıq qábiletlerin rawajlandırıw.

Tańlaw qatnasıwshılarınan shıǵarmada temanıń mazmun-mánisin ashıp beriw, tariyxıy dáliller hám dereklerden paydalanıw, erkin pikir hám dóretiwshilik qatnas jasaw talap etiledi.

Tańlawǵa shıǵarmalardı tapsırıw mánzili: @Koblan_Mnajatdinov, @Seydametovazizbek hám múddeti: 07.10.2026

Jeńimpaz hám sıylı orın iyeleri Diplom hám estelik sawǵaları menen sıylıqlanadı.

Tariyxın ańlaǵan áwlad – keleshegin quradi!

Filial Baspasóz xızmeti.