Búgin Ózbekstan mámleketlik dene tárbiyası hám sport universiteti Nókis filialında student-jaslar qatnasıwında “Tınıshlıq-eń joqarı baxıt” hám “Jawızlıqqa qarsı aǵartıwshılıq penen gúresemiz” atamasında ushırasıw bolıp ótti.

Ilajdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov kiris sóz benen ashıp berdi.

Soń Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarmasınıń bas qánigesi N.Jamalov, Nókis qalasındaǵı Al-Beruniy atındaǵı Islam bilim jurtı direktorınıń orınbasarı Q.Mámbetov hám filialdıń profilaktika inspektorı R.Ismayılovlar sózge shıqtı.

Ushırasıwda sóz alǵanlar ilaj qatnasıwshılarına tınıshlıqtıń insan hám jámiet turmısındaǵı áhmieti, jas áwladtı hár qıylı zıyanlı ideyalar hám buzǵınshı ideologiyalar tásirinen qorǵaw, jawızlıqtıń aldın alıwda islenip atırǵan is-ilajlarǵa ayrıqsha toqtaldı.

Ilaj dawamında studentlerdiń pikir-usınısları tıńlandı hám qızıqtırǵan sorawlarına qánigeler tárepinen tolıq juwaplar berildi.

Filial Baspasóz xızmeti.