Ózbekstan mámleketlik dene tárbiyası hám sport universiteti Nókis filialı UI GreenMetric World University Rankings 2026 xalıqaralıq reytinginde 1292-orındı iyeledi. Sonday-aq, universitet Aziya boyınsha 777-orındı, Ózbekstandaǵı joqarı oqıw orınları arasında 59-orındı iyeledi.

UI GreenMetric — joqarı oqıw orınlarınıń turaqlı rawajlanıw hám ekologiyalıq juwapkershilik salasındaǵı iskerligin xalıqaralıq dárejede bahalap baratuǵın reyting sisteması. 2026-jılǵı reytingte dúnyanıń 105 mámleketinen 2016 joqarı oqıw ornı qatnastı. Reytingte joqarı oqıw orınlarınıń jasıl infrastrukturası, energiya hám klimat ózgerislerine qatnası, qaldıqlardı basqarıw, suw resurslarınan nátiyjeli paydalanıw, transport sisteması, bilimlendiriw hám ilimiy-izertlew iskerligi, sonday-aq, turaqlı basqarıw sıyaqlı baǵdarlardaǵı kórsetkishleri bahalanadı.

Bunda Ózbekstan mámleketlik dene tárbiyası hám sport universiteti Nókis filialı bul xalıqaralıq reytingten orın alıwı universitette turaqlı rawajlanıw, ekologiyalıq juwapkershilik hám zamanagóy bilimlendiriw ortalıǵın qáliplestiriw baǵdarındaǵı jumıslardıń xalıqaralıq ólshemler tiykarında bahalanıp atırǵanın kórsetedi.

Maǵlıwmat ushın filial “UI Green Metric World University Rankings” 2025-jıl ushın xalıqaralıqreytinginde 1279-orındı, sonday-aq Aziya regionı boyınsha TOP-1000 diziminde 773-orındı hám Ózbekstan joqarı oqıw orınları arasında 60-orındı iyelegen edi.

Filial Baspasóz xızmeti.