Filialda ziyrek studentlerdi dene tárbiyası hám sport tarawınıń zamanagóy baǵdarları boyınsha ilimiy izzertlew iskerligine qamtıp alıw arqalı oqıw ornınıń ilimiy potencialın joqarılatıw  boyınsha “Koordinacion hám cikllik sport túrleri teoriyası hám metodikası” kafedrası tárepinen “Ustaz-shákirt” atamasında seminar shólkemlestirildi.

Onda studentlerdi ziyrek studentler qatarına qamtıp alıw, olardıń ilmiy iskerligin asırıw, ózleriniń sport túrleri boyınsha ilimiy maqala hám ilimiy tezislerdi jazıw talapların hám ilimiy maqala hám ilimiy tezislerdiń anıq mazmunları haqqında keń túrde túsinik berildi.

 Seminarda qatnasqan hár bir student ózleriniń baǵdarları boyınsha qánige sıpatında olarǵa sol sport túrlerinde bolıp atırǵan mashqalalardı ilimiy maqala  hám tezisler menen ashıp beriw hám álbette olardıń nátiyjeli sheshimleri menen kórsetiliw kerekligi túsindirilip berildi.

Seminar dawamında studentler belsene qatnastı hám olar ózlerin qızıqtırǵan sorawlarına juwaplar aldı.

Filial baspasóz xızmeti.