Búgin, 13-oktyabr kúni Ózbekstan mámleketlik dene tárbiya hám sport universiteti Nókis filialında Qaraqalpaqstan Respublikası Ádillik ministrligi Intellektual múlk huqıqların qorǵaw sektorı bas másláhátshisi menen filialt professor-oqıtıwshıları hám student-jasları ortasında ushırasıw ótkerildi.

Ushırasıwda Qaraqalpaqstan Respublikası Ádillik ministrligi Intellektual múlk huqıqların qorǵaw sektorı bas másláhátshisi Ajiniyaz Nurabullaev intellektual múlk obektlerin qorǵaw, paydalı model, sanaat úlgileri hám oylap tabılıwlar ushın alınatuǵın patentler, elektron esaplaw mashinaları hám maǵlıwmatlar bazaları ushın alınatuǵın gúwalıqlar, olardıń beriliw tártipleri, patent hám gúwalıqlar alıw ushın tapsırılatuǵın hújjetler, Intellektual múlk orayı bazasınan patent hújjetlerin izlew, “Avtorlıq huqıqın qorǵaw aylıǵı” huqıqıy akciyası sheńberinde  Intellektual múlk tarawı boyınsha nızamshılıq, tarawǵa baylanıslı máseleler haqqında keń túrde túsinikler berildi.

Ilaj qatnasıwshıları kún tártibindegi máseleler boyınsha ózlerin qızıqtırǵan sorawlarına tiyisli juwapların aldı.

Filial baspasóz xızmeti.