Ózbekstan mámleketlik dene tárbiyası hám sport universiteti Nókis filialında wálayatlardaǵı joqarı oqıw orınları studentleriniń qatnasıwında ótkerilip atırǵan “Doslıq ushırasıwı” qatnasıwshıları saltanatlı túrde kútip alındı.

Jaslar arasında doslıq, awızbirshilik hám milletleraralıq tatıwlıq ideyaların bekkemlew, student-jaslardıń dóretiwshilik potencialın kórsetiw maqsetinde shólkemlestirilip atırǵan «Doslıq ushırasıwı»n Ózbekstan mámleketlik dene tárbiyası hám sport universiteti jaslar máseleleri hám ruwxıy-aǵartıwshılıq isleri boyınsha prorektorı Sherzod Mirzanov hám filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametovlar ashıp berip, búgingi kúnde mámleketimizde jaslar siyasatına qaratılıp atırǵan itibar, student-jaslar arasında doslıq baylanısların bekkemlewdiń áhmiyeti haqqında aytıp ótti.

“Doslıq ushırasıwı” sheńberinde hár qıylı intellektual oyınlar, sport jarısları, mádeniy ilajlar hám Moynaq rayonında «Biz Aral menen birgemiz!» atamasında salamatlıq ushın 5000 qádem, «Kemeler qábiristanı», «Aral teńizi tariyxı muzeyi»ne sayaxat shólkemlestiriw rejelestirilgen.

Filial baspasóz xızmeti.