“Ózbek tilinde jazılǵan eń jaqsı shıǵarma” tańlawına márhamat!

Ózbek tiliniń bay imkaniyatların kórsetiw, studentlerdiń jazba sóylew mádeniyatı, dóretiwshilik oy-pikiri hám ádebiy sawatlılıǵın rawajlandırıw, ana tilimizge bolǵan húrmetti jáne de arttırıw maqsetinde joqarı bilimlendiriw shólkemi studentleri arasında “Ózbek tilinde jazılǵan eń jaqsı shıǵarma” tańlawı járiyalanadı!

Tańlawda qatnasıń hám óz talantıńızdı kórsetiń!

Tańlawdıń tiykarǵı maqsetleri:

Ózbek tiliniń abırayın arttırıw hám onıń baylıǵın úgit-násiyatlaw;

Oqıwshılardıń dóretiwshilik qábiletin hám erkin pikirlew kónlikpelerin rawajlandırıw;

Sawatlılıq, sóylew mádeniyatı hám kórkem sóylew sheberligin arttırıw;

Qábiletli hám dóretiwshi studentlerdi anıqlaw hám xoshametlew.

Tańlaw shártleri:

Shıǵarma ózbek tilinde, latın jazıwına tiykarlanǵan álipbede jazılıwı kerek.

Tekst óz betinshe pikir, dóretiwshilik qatnas hám anıq bayanlaw tiykarında tayarlanıwı kerek.

Inshanıń mazmunı, sawatlılıǵı, usılı hám temanı sáwlelendiriw dárejesi bahalanadı.

Basqalardıń jumısınan kóshirilgen shıǵarmalar tańlawǵa qabıl etilmeydi.

Jeńimpazlar diplom hám estelik sawǵaları menen sıylıqlanadı.

Tańlaw múddeti:.2026-jıl 20-oktyabr kúni saat 15:00

Shıǵarmalardı tapsırıw mánzili: Ózbekstan mámleketlik dene tárbiyası hám sport universiteti Nókis filialı Málimleme resurs orayı.

Múrájat ushın: 93.147-70-38; @Sanjar7038

Áziz studentler! Ana tilimizge bolǵan mehrińizdi, bilim hám dóretiwshilik potencialıńızdı kórsetiń!

Ana tilimiz — milliy maqtanıshımız hám ruwxıy baylıǵımız!

Bársheńizdi tańlawda belsene qatnasıwǵa shaqıramız!

Filial baspasóz xızmeti.