Qaraqalpaqstan Respublikası prokuraturasında Ózbekstan Respublikası Prezidentiniń Almazar rayonındaǵı “Yoshlik” studentler qalashasında shólkemlestirilgen “Vaziyatlar markazi” nıń jumısı menen tanısıw procesinde berilgen tapsırmalardıń orınlanıwın támiyinlew maqsetinde “Qáwipsiz student” baǵdarlaması sheńberinde ámelge asırılıp atırǵan jumıslar dodalandı. Májiliste Bas prokuratura basqarma baslıǵı B.Sheranov basshılıǵındaǵı jumısshı topar hám Qaraqalpaqstan Respublikası prokuraturası juwapkerleri, filial direktorı B.Erimbetov basshılıǵında filial juwapkerleri, qatnastı.

Májilis dawamında belgilengen wazıypalardıń orınlanıwı, sonıń ishinde, “Qáwipsiz student” baǵdarlamasınıń imkaniyatlarınan nátiyjeli paydalanıw, studentlerdiń qáwipsizligin támiyinlew hám profilaktikalıq ilajlardı sistemalı shólkemlestiriw máselelerine ayrıqsha itibar qaratıldı. Sonday-aq, baǵdarlamanıń texnikalıq imkaniyatları túsindirilip, anıqlanǵan kemshiliklerdi saplastırıw hám belgilengen wazıypalardı óz waqtında hám sapalı orınlaw boyınsha zárúr ilajlar belgilendi.

Juwmaǵında juwapkerlerge anıqlanǵan kemshiliklerdi saplastırıw, studentler arasında huqıqbuzarlıqlardıń aldın alıwǵa qaratılǵan profilaktikalıq jumıslardı kúsheytiw hám “Qáwipsiz student” baǵdarlamasınan nátiyjeli paydalanıwdı támiyinlew boyınsha tiyisli kórsetpe hám tapsırmalar berildi.

Filial baspasóz xızmeti.