21-22-oktyabr kúnleri Ózbekstan Respublikası Prezidenti Shavkat Mirziyoev Qashqadárya wálayatına saparı dawamında Qarshı mámleketlik universitetinde de bolıp, joqarı oqıw ornında jaratılǵan sharayatlar hám bilim alıw ushın jaratılǵan zamanagóy imkaniyatlar menen tanısqan edi.

Mámleketimiz basshısınıń tapsırmasına muwapıq respublikamızdaǵı joqarı bilimlendiriw shólkemleriniń rektorları qatarında filial direktorı B.Erimbetovta Qarshı mámleketlik universitetinde bolıp, universitettiń jumısı, bilimlendiriw procesi hám studentler ushın jaratılǵan sharayatlar menen jaqınnan tanıspaqta.

Qarshı mámleketlik universitetinde qáliplestirilgen “Qashqadárya tájiriybesi”n respublikanıń basqa da joqarı bilimlendiriw shólkemlerine en jaydırıw maqsetinde rektorlar, direktorlar hám taraw prorektorları menen birgelikte tájiriybe almasıw processleri dawam etpekte.

Ol jerde bilimlendiriwdiń sapasın arttırıw, studentlerdiń bántligin támiyinlew, zamanagóy infrastrukturanı rawajlandırıw, sonday-aq, joqarı bilimlendiriw shólkemleri hám óndiris kárxanaları arasındaǵı birge islesiwdi bekkemlew baǵdarında Qarshı mámleketlik universitetinde toplanǵan tájiriybe úyrenilmekte.

Respublikadaǵı joqarı bilimlendiriw shólkemleri rektorları hám direktorları qatnasıwındaǵı “Qashqadárya tájiriybesi”n úyreniwge qaratılǵan saparlar 30-oktyabrden 4-noyabrge shekem dawam etedi.

Filial baspasóz xızmeti.