Ózbekstan mámleketlik dene tárbiyası hám sport universiteti Nókis filialında 11-noyabr – “Ózbekstan kásiplik awqamları kúni” múnásibeti menen usı jıldıń 6-7-noyabr kúnleri “Salamat denede – salamat aqıl, tatıw jámáátte – nátiyjeli miynet hám joqarı nátiyjeler!” uranı astında professor-oqıtıwshılar hám xızmetkerler arasında sport jarısları bolıp ótpekte.

Sport jarısların ótkeriwden tiykarǵı maqset professor-oqıtıwshılar hám xızmetkerler arasında salamat turmıs tárizin úgit-násiyatlaw. Olar arsında dene tárbiyası hám sport penen turaqlı shuǵıllanıwdı ǵalaba en jaydırıw, xızmetkerlerdiń salamatlıǵın bekkemlew. Sonday-aq, kásiplik awqamlarınıń jumısın qollap-quwatlaw.

Jarıs dawamında qatnasıwshılar ózleriniń fizikalıq tayarlıǵın hám shaqqanlıǵın sınaqtan ótkermekte.

Bunday sport ilajları jámáát aǵzaların birlestirip, óz-ara doslıq qatnasıqlardı bekkemlew menen birge, salamat turmıs tárizin qáliplestiriwge de xızmet etedi.

Filial baspasóz xızmeti.