Ózbekstan Respublikasında náshebentlik hám narkojınayatshılıqqa qarsı gúresiw boyınsha 2024-2028-jıllarǵa mólsherlengen milliy strategiyanıń tiykarǵı maqsetlerine erisiw, náshebentlik hám shólkemlesken narkojınayatshılıqqa qarsı gúresiw jumısların sapa jaǵınan jańa basqıshqa alıp shıǵıw arqalı xalıqtı, birinshi gezekte, jaslardıń salamatlıǵın hám millet genofondın nátiyjeli qorǵaw boyınsha kompleksli ilajlardı belgilew maqsetinde Ózbekstan Respublikası Prezidentiniń 2025-jıl 3-noyabr kúni «Xalıqtıń salamatlıǵı hám millet genofondın náshebentlik hám narkojınayatshılıqtan nátiyjeli qorǵaw boyınsha kompleksli is-ilajlar haqqında» ǵı 207-sanlı Pármanı qabıl etilgen edi.

Usı tiykarda búgin Ózbekstan mámleketlik dene tárbiyası hám sport universiteti Nókis filialında «Salamat ómir-baxıtlı keleshek» atamasında ushırasıw bolıp ótti.

Ilajdı Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı Gulmurat Xojametov kiris sóz benen ashtı hám katnasıwshılardı kelgen miymanlar menen tanıstırıp ótti.

Soń Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha  Qaraqalpaqstan Respublikası filialınıń narkolog shıpakeri Altın Samarqanova, Respublikalıq AIJS ke qarsı gúresiw orayı shıpakeri Mexriban Bekniyazova, Orazgúl Uteniyazova hám filial miyirbiykesi Nursulıw Ramanovalar insan salamatlıǵı, millet genofondına ayrıqsha qáwip tuwdırıp atırǵan náshebentlik zatlarınıń keri tásirleri hám AIJS ke qarsı gúresiw, onıń juǵıw jolları, onnan saqlanıw usılları haqqında aytıp ótti. Sonday-aq, taraw qánigeleri jaslarda náshebentlik hám psixoaktiv zatlardıń tarqalıwına pútkilley shek qoyıw kerekligi boyınsha úgit-násiyat jumısların alıp bardı.

Filial baspasóz xızmeti.