Studentler muzeyge bardı

Jas áwladtı milliy qádiriyatlarımızǵa húrmet ruwxında tárbiyalaw, ata-babalarımızdan bizge qalǵan bay mádeniy miyrastı tereń úyreniw maqsetinde Ózbekstan mámleketlik dene tárbiyası hám sport universiteti Nókis filialı professor-oqıtıwshıları student-jaslardı I.V.Savickiy atındaǵı qaraqalpaq mámleketlik kórkem óner muzeyi hám Qaraqalpaqstan Respublikası tariyxı hám mádeniyatı mámleketlik muzeyine sayaxatqa alıp bardı.

Professor-oqıtıwshılar hám student-jaslar muzey zallarınan orın alǵan tariyxıy eksponatlar, arxeologiyalıq tabılmalar, áyemgi buyımlar, milliy kiyim-kenshekler, ámeliy kórkem óner úlgileri hám xalıqtıń turmıs tárizin sáwlelendiretuǵın siyrek ushırasatuǵın eksponatlar menen jaqınnan tanıstı.

Muzey zallarında saqlanıp atırǵan hár bir eksponat xalqımızdıń kóp ásirlik tariyxı, turmıs tárizi hám ruwxıy dúnyasın sáwlelendiriwde ayrıqsha áhmiyetke iye.
Filial baspasóz xızmeti.