Student-qızlarǵa koncepciyanıń mazmun-mánisi túsindirildi

Ózbekstan Respublikası Prezidentiniń 2026-jıl 20-aprel kúni “Jańa Ózbekstan jasları – 2030” strategiyasın 2026-2027-jıllarda ámelge asırıw hám jaslardıń bántligin támiyinlew boyınsha qosımsha ilajlar haqqında”ǵı qararı qabıl etilgen edi.

Usı qarar tiykarında «Turan» puqaralar jıyınında Ózbekstan mámleketlik dene tárbiyası hám sport universiteti Nókis filialı professor-oqıtıwshılar hám student-qızlar qatnasında ushırasıw bolıp ótti.

Ilajda «Turan» puqaralar jıyını baslıǵı hám filial professor-oqıtıwshıları tárepinen student qızlarǵa “Jańa shańaraqlıq tárbiya koncepciyası”nıń tiykarǵı baǵdarları, onıń turmıslıq áhmiyeti hám shańaraqlıq tárbiyanı jetilistiriwge qaratılǵan tiykarǵı wazıypalar, shańaraqta salamat ruwxıy ortalıqtı qáliplestiriw, perzent tárbiyasında ata-ananıń juwapkershiligi, milliy qádiriyatlar hám jaslardı turmısqa tayarlaw sıyaqlı máselelerge ayrıqsha itibar qaratıldı.
Filial baspasóz xızmeti.