Xalqımızdıń súyikli shayırası Zulfiya dóretiwshiligi, pazıyletleri, ómirlik kóz-qarasları menen elege deyin kópshilik qızlarımız ushın órnek alıwǵa arzıytuǵın dóretiwshi sıpatında yadqa alınadı. Hár jılı mamleketimizde báhárdiń daslepki kúni Ózbekstan xalıq shayırı Zulfiyanıń tuwılǵan kúni menen birge ótkeriledi.

Ózbekstan mámleketlik dene tárbiyası hám sport universiteti Nókis filialında shayıranıń 106-jıllıǵı múnásibeti menen ádebiy keshe ótkerildi. Bul keshe filialımızdıń Hayal-qızlar máseleleri boyınsha Keńesi hám Málimleme-resurs Orayı tárepinen shólkemlestirilip, bunda filial oqıw hám tárbiya isleri boyınsha direktor orınbasarı B.Utemuratov, filial Hayal-qızlar máseleleri boyınsha Keńesi baslıǵı B.Allambergenova, MRO baslıǵı K.Tóreshova hám student qızlar qatnastı.

Keshe dawamında qatnasıwshılar shayıra dóretiwshiligi hám ómiri boyınsha pikirlerin bildirip ótti, Zulfiya- shayıranıń ádebiyatımızǵa qosqan úlesi, basqalarǵa  órnek bolatuǵın ómiri haqqında toqtadı.

Sónınan student qızlar tárepinen shayıranıń qálemine tiyisli qosıq hám muzikalı shıǵıwlar usınıldı.