Өзбекстан мәмлекетлик дене тәрбия ҳәм спорт университети Нөкис филиалының Жаслар менен ислесиў, руўхыйлық ҳәм ағартыўшылық бөлими ҳәм филиал Жаслар аўқамы басланғыш шөлкем жетекшисиниң басламасы менен «Спорт түрлери» факультетиниң 1-2-3-курс студентлери арасынан билимли, зийрек ҳәм қәбилетли жасларды таңлап алыў мақсетинде «Заковат» интеллектуал ойыны өткерилди.

Қатнасыўшы команда ағзаларынан терең билимди талап ететин интеллектуал ойын жуўмағында 2-курс студентлеринен дүзилген «Олимп+» командасы   1-орын, 1-курс студентлеринен дүзилген «МШБТ 08-20» командасы 2-орын ҳәм 1-курс студентлеринен дүзилген «Красавчиклер» командасы 3-орынларды ийелеўге миясар болды.

Жеңимпаз ҳәм белсенди қатнасқан командалар Өзбекстан мәмлекетлик дене тәрбия ҳәм спорт университети Нөкис филиалы директоры тәрепинен диплом ҳәм Ҳүрмет жарлықлары менен сыйлықланды.