Ózbekstan Respublikası Prezidenti Sh.M.Mirziyoevtıń 2021-jıl 2-noyabr kúngi ótkerilgen videoselektor májilisinde belgilengen wazıypalardıń orınlanıwın támiyinlew, sonday-aq, xalıqtıń, ásirese, jaslardıń  ekologiyalıq mádeniyatın arttırıw, qorshaǵan ortalıqqa bolǵan dıqqat-itibarın kúsheytiw, ana tábiyattı keleshek áwladlar ushın asırap-abaylaw, ekologiyalıq jaǵdaydı jaqsılaw hám qorshaǵan ortalıqqa unamsız tásirlerdiń aldın alıw maqsetinde «Jasıl mákan» ulıwma milliy joybarı sheńberinde «Taza qala» súreni astında ǵalabalıq abadanlastırıw hám kóklemzarlastırıw ilajları ámelge asırılmaqta.

Bunda Ózbekstan mámleketlik dene tárbiyası hám sport universiteti Nókis filialı student jasları arasınan ıqtiyarıy túrde dúzilgen miynet otriyadları «áhmiyetli 40 kún» joybarı sheńberinde qalamız aymaǵında «Jasıl mákan»lardı payda etiw maqsetinde shólkemlestirilgen «Taza qala» súreni astında ótkerilip atırǵan ǵalabalıq abadanlastırıw hám kóklemzarlastırıw ilajlarına belsene qatnastı.

Erteńgi kúnin, keleshek áwladlardıń aydın keleshegin, ekologiyalıq jaǵdaydı jaqsılawdı oylaǵan filialımız student jasları qalamız aymaǵında jasıl qaplamalı aymaqlardı payda etiw maqsetinde  terek nállerin egip óz úleslerin qospaqta.

Biz filial jasları atınan keleshegimiz ushın áhmiyetli bolǵan baslamanı qollap-quwatlawǵa bárshe qalamız jasların belsendilik kórsetiwge shaqıramız.

«Áhmiyetli 40 kún» joybarı qalamız boylap dawam etpekte…

Filial Baspasóz xızmeti.