Ózbekstan Respublikası Prezidentiniń 2020-jıl 4-noyabr kúngi arnawlı «Kurash milliy sport túrin rawajlandırıw hám xalıqaralıq abroyın elede kóteriw haqqında»ǵı nızamı hám Turizm hám sport haqqındaǵı nızam talapların orınlaw, sonday-aq, 2021-jıl – «Jaslardı qollap-quwatlaw hám xalıqtıń salamatlıǵın bekkemlew jılı»na baǵıshlap Qaraqalpaqstan Respublikası Turizm hám sport bas basqarması baslaması menen Qaraqalpaqstan Kurash federaciyası hám Respublikalıq jeke gúres túrleri boyınsha qánigelestirilgen balalar óspirimler sport mektebi menen birgelikte 2002-2003-jılı tuwılǵan er balalar hám qız balalar arasında Qaraqalpaqstan Respublikası kubogi bolıp ótti.

Bolıp ótken kubogke filialımızdan qatnasqan studentler Jolaman Moshanov, Nurbek Yuldashov, Xusniddin Mengaliev, Zuxra Isakova hám Aynura Berdibekovalar 1-orın, Sangin Ataxanov, Qudayar Ametovlar 2-orın hám Muxasan Turǵanbaev, Albina Ashikbaeva, Dúzelbay Urazgalievlar 3-orınlardı iyelep filialımız jámáátin quwanıshqa bóledi.

Filialımız professor-oqıtıwshıları atınan kubok jeńimpazların qutlıqlaymız.

Filial Baspasóz xızmeti.